ពេលដឹងថាត្រូវទៅជួបឪពុកម្ដាយមិត្តប្រុស តិចឬច្រើនយើងប្រាកដជាបារម្ភមិនខាន។ ម្យ៉ាងមកពីយើងមិនសូវដឹងពីពួកគាត់ ហើយម្យ៉ាងទៀតខ្លាចធ្វើអ្វីខុសឆ្គងគាត់មិនចូលចិត្ត។ ទោះយ៉ាងណាក៏ដោយ កុំបារម្ភពេក គន្លឹះខាងក្រោមនេះអាចជួយបាន៖
១. ដឹងពីគោលបំណងច្បាស់លាស់៖ ហេតុអ្វីបានជាមិត្តប្រុសហៅយើងទៅជួបពួកគាត់? ត្រូវនិយាយគ្នាឲ្យច្បាស់ពីហេតុផលជាមុនសិនដើម្បីស្រួលត្រៀមខ្លួនតាមនោះ។
២.រកព័ត៌មានជាមុន៖ ត្រូវរៀបចំខ្លួនឲ្យបានរួចរាល់ ដឹងច្បាស់ថាគាត់ចូលចិត្តអ្វី និងមិនចូលចិត្តអ្វី។
៣. ទៅដល់ឲ្យទាន់ពេល៖ ព្រោះពួកគាត់ក៏ត្រៀមរួចរាល់ដើម្បីចាំមើលយើងដែរ។ មិនត្រូវយឺតទេនាំឲ្យគាត់វាយតម្លៃមិនល្អ។
៤. ត្រូវចេះយកចិត្ត៖ បើត្រូវទៅញ៉ាំបាយពេលល្ងាចនៅផ្ទះគាត់ មិនត្រូវអង្គុយស្ងៀមៗចាំញ៉ាំដាច់ខាត។ ត្រូវតែសកម្មចូលជួយធ្វើម្ហូបអនាគតម្ដាយក្មេកយើងដើម្បីយក Credit។
៥. ជូនកាដូគាត់៖ គួរស៊ើបពីមិត្តប្រុសផងថាគាត់ចូលចិត្តអ្វី។ ជួនកាលអាចជានំចំណីក៏បាន។
៦. ត្រូវប្រយ័ត្នរឿងស្លៀកពាក់៖ តើគ្រាន់តែជាការជួបនៅផ្ទះធម្មតា ឬក៏ត្រូវទៅញ៉ាំអីនៅហាង? ត្រូវរើសសំលៀកបំពាក់ទៅតាមនោះ។
៧. គួរសមជានិច្ច៖ ត្រូវចេះរាក់ទាក់ចំពោះគ្រប់គ្នាដែលនៅទីនោះហើយមិនគួរនិយាយបែកអូរហូរស្ទឹងទៅដល់រឿងផ្សេងៗច្រើនពេកទេ។
៨. សរសើរសង្សារផង៖ គាត់ប្រាកដជាស្រឡាញ់កូនណាស់ ហើយតែងចង់ឲ្យកូនមានសេចក្ដីសុខជានិច្ច។ ។ បើយើងអាចសរសើរមិត្តប្រុសបាន វាអាចបង្ហាញថាយើងស្រឡាញ់គ្នាប៉ុណ្ណា។
៩. ធ្វើជាខ្លួនឯង៖ ទោះយ៉ាងណាក៏យើងមិនគួរព្យាយាមសម្ដែងដែរ។ ត្រូវបង្ហាញអ្វីដែលជាខ្លួនយើងពិតប្រាកដឲ្យគាត់ដឹងផង។
១០. កុំភ្លេចថ្លែងអំណរគុណគាត់៖ មុនចេញមកវិញត្រូវថ្លែងអំណរគុណចំពោះការទទួលយ៉ាងកក់ក្ដៅរបស់គាត់ និងប្រាប់គាត់ផងថាយើងសប្បាយចិត្តប៉ុណ្ណា៕
No comments:
Post a Comment