ស្បែកគឺជាផ្នែកមួយនៃសម្រស់ដែលស្ត្រីគ្រប់តែយកចិត្តទុកដាក់ជានិច្ច។ គ្រប់គ្នាតែងចង់បានស្បែកដែលទន់រលោង និងសភ្លឺចែងចាំង ដូច្នេះបើអ្នកចង់ទទួលបានស្បែកដែលស្រស់ស្អាត អ្នកគួរតែសាកល្បងជាមួយគ្រឿងផ្សំក្នុងការខាត់ស្បែកទាំងនេះ ៖
1. ទឹកឃ្មុំ និង ម្សៅក្រូច ៖ លាយម្សៅក្រូចពីរស្លាបព្រា ឬបើអាចបន្ថែមស្រូវសាឡីទៀតរឹតតែល្អ រួចថែម ទឹកឃ្មុំមួយស្លាបព្រា ឲ្យមានបរិមាណខាប់ល្មម ឬអាចបន្ថែមទឹកបន្តិចក៏បាន។ បន្ទាប់មកដុះខាត់វានៅលើផ្ទៃមុខដែលសម្អាតហើយរួចរង់ចាំ២ទៅ៣នាទីសឹមលាងសម្អាតចេញ។
2. ផ្លែចេក ស្ករស ឬទឹកឃ្មុំ ៖ យកចេកទុំ២ផ្លែ តប់វាឲ្យម៉ដ្ឋ លាយជាមួយស្ករស ឬ ទឹកឃ្មុំមួយស្លាបព្រា និងទឹកបន្តិច រួចលាបវានៅលើផ្ទៃមុខ រង់ចាំរយះពេល ៥នាទីសឹមលាងសម្អាតចេញ។
3. ផ្លែល្ហុង ទឹកក្រូចឆ្មា និងទឹកឃ្មុំ ៖ យកផ្លែល្ហុងទុំកិនឲ្យម៉ដ្ឋ លាយជាមួយទឹកក្រូចឆ្មាពីរបីតំណក់ និង ទឹកឃ្មុំមួយស្លាបព្រា រួចយកវាទៅម៉ាស្សាមុខ ហើយទុកប្រមាណជា ៥នាទី សឹមលាងចេញជាមួយទឹកត្រជាក់ឲ្យបានស្អាត។
4. ស្រូវសាឡី និង ប៉េងប៉ោះ៖ កិនស្រូវសាឡីឲ្យម៉ដ្ឋ រួចយកប៉េងប៉ោះក្រហមទុំ ចិត្តជាបន្ទះៗ ហើយជ្រលក់ជាមួយស្រូវសាឡី រួចយកមកខាត់ថ្នមៗនៅលើផ្ទៃមុខអ្នក ហើយរង់ចាំរយះពេល៥ទៅ១០នាទីសឹមលាងសម្អាតចេញ។
5. ក្រូចឆ្មា ៖ ពុះក្រូចឆ្មាជាពីរ រួចដុះខាត់វា នៅត្រង់កែងដៃ ក្បាលជង្គង់ ប្រអប់ដៃ និងប្រអប់ជើង ដែលជាកន្លែងក្រិន និងខ្មៅខ្លាំង ព្រោះវាធ្វើឲ្យស្បែករលោងនិងជម្រុះកោសិកាចាស់ៗចេញ ហើយរង់ចាំ៥នាទី សឹមលាងចេញ។
ចង់ទទួលបានស្បែកស្អាតអ្នកត្រូវតែព្យាយាម និងឧស្សាហ៍ ព្រោះបើអ្នកមិនរវល់នឹងវានោះទេ វាក៏ទៅតាមហ្នឹងដែរ។
No comments:
Post a Comment