ធ្លាប់មានអារម្មណ៍ថាវិលមុខភ្លាមៗដែរឬទេ? វាអាចកើតឡើងបាននៅពេលអ្នកគិតច្រើន ស្មុគស្មាញរឿងអ្វីមួយ ឬក៏កំពុងមករដូវ។ ស្រីៗយើងគួរតែមានមានអាហារសម្រន់ខ្លះៗនៅក្នុងកាបូបទុកញ៉ាំនៅពេលវិលមុខ។ តោះ! មកមើលអាហារទាំង៧មុខនេះដែលអ្នកគួរញ៉ាំពេលមានអារម្មណ៍ធីងធោង ឬវិលមុខ។
១. ផ្លែឈើ
ផ្លែឈើពោរពេញទៅដោយជាតិទឹក និងផ្ទុកទៅដោយសារជាតិចិញ្ចឹម ដូចជា កាកសរសៃ ប៉ូតាស្យូម និងវីតាមីន។ ផ្លែឈើទាំងនោះមានដូចជា ចេក ផ្លែប៉េស ផ្លែប៉ោម និងផ្លែទំពាំងបាយជូរជាដើម ដែលអ្នកអាចជ្រើសយកមកញ៉ាំពេលដែលអ្នកវិលមុខ។
២. គ្រាប់ធញ្ញជាតិ
គ្រាប់ Almonds គ្រាប់ស្វាយចន្ទី និងគ្រាប់ធញ្ញជាតិផ្សេងទៀត គឺជាអាហារសម្រន់ដ៏ល្អដែលអ្នកអាចញ៉ាំបានពេលអ្នកឈឺក្បាល ព្រោះវាផ្ទុកទៅដោយខ្លាញ់ អាស៊ីត និង វីតាមីន។
៣. បន្លែ
គ្មានអ្វីប្រសើរជាងការញ៉ាំផ្លែត្រសក់ ការ៉ុត និងបន្លែដទៃទៀតនៅពេលដែលអ្នកធីងធោង។ បន្លែផ្ទុកទៅដោយជាតិដែក ប៉ូតាស្យូមហើយនិងវីតាមីនដែលអាចកាត់បន្ថយការវិលមុខបានភ្លាមៗ។
៤. នំផ្អែម
ប្រភេទនំផ្អែមដែលធ្វើឡើងពីគ្រាប់ធញ្ញជាតិ វាជាអាហារសម្រន់មួយប្រភេទដែលផ្ទុកទៅដោយប្រូតេអ៊ីន និងធាតុខាបូហៃដ្រេត។
៥. ទឹកឃ្មុំ
ទោះបីជាទឹកឃ្មុំអាចនឹងផ្អែមបន្តិច តែវាជាអាហារដ៏ល្អបំផុតដែលអ្នកគួរញ៉ាំពេលវិលមុខ។ទឹកឃ្មុំជួយពន្លឿនដល់សកម្មភាពខាបូហៃដ្រេតដែលជួយបំបាត់អាការវិលមុខ និងទៅបង្កើនជាតិស្ករក្នុងឈាមបានភ្លាមៗ។
៦. ទឹកក្រូច
ទោះបីជាអ្នកមិនចូលចិត្តទឹកសូដា ទឹកក្រូច (soft drink) តែវាអាចជួយបង្កើនជាតិស្ករក្នុងសរសៃឈាមរបស់អ្នកបានយ៉ាងឆាប់រហ័ស។
៧. ស្ករគ្រាប់
អាចនិយាយបានថា នារីគ្រប់រូបគួរតែមានស្ករគ្រាប់នៅក្នុងកាបូប។ ជ្រើសយកស្ករគ្រាប់ណាមួយដែលអ្នកចូលចិត្ត ឬក៏សូកូឡាទុកទំពារលេង នៅគ្រប់ពេលដែលអ្នកវិលមុខ។ វានឹងជួយឲ្យអ្នកធូរស្បើយ និងជួយឲ្យអ្នកស៊ូបានរហូតដល់ម៉ោងសម្រាក៕
No comments:
Post a Comment