ពេលបញ្ចប់សាកលវិទ្យាល័យជារឿងមួយដែលសប្បាយចិត្តហើយ ចុះបើយើងមានអ្នកយល់ចិត្តម្នាក់ដែលនឹងបន្តដំណើរជីវិតជាមួយយើងទៀតនោះ តើវានឹងមានន័យយ៉ាងណា? តោះ សម្រាប់អ្នកចង់មានស្នេហាពេលនៅរៀន សាកមកមើលគន្លឹះខាងក្រោមនេះមើល៍៖
១. ចេញមករៀនខាងក្រៅផ្ទះ៖ ជាកន្លែងដែលយើងអាចជួបបុរសសង្សារៗ Cute Cute ប្រចាំមហាវិទ្យាល័យយើង។ កន្លែងទាំងនោះមានដូចជាបណ្ណាល័យ សួនច្បារនៅសាលា ឬ ហាងកាហ្វេជិតៗសាលាជាដើម។ បើបានជួបកុំភ្លេចញញឹមផងណា៎ដើម្បីផ្ដល់ភ្លើងខៀវឲ្យគេ។
២. ចូលក្លឹបសិក្សា៖ ជាកន្លែងល្អបំផុតដែលយើងគួរពិចារណា។ ការចូលក្លឹបសិក្សា ឬក៏ក្លឹបសិល្បៈអីផ្សេងៗបែបនេះមិនត្រឹមតែបានទទួលចំណេះដឹងទេ តែក៏មានឱកាសបានជួបបុរសក្នុងក្ដីស្រមៃដែរ។
៣. ក្នុងថ្នាក់៖ បើសម្លឹងឃើញអ្នកក្នុងថ្នាក់ហើយចង់ឲ្យគេចាប់អារម្មណ៍យើង កុំភ្លេចញញឹម និងនិយាយនៅក្នុងថ្នាក់ឲ្យបានច្រើនដូចជាឆ្លើយសំណួរគ្រូជាដើម។ កុំអៀនឲ្យសោះបើចង់ទាក់ទាញគេ។ ការស្លៀកពាក់ស្អាតបាត និងតែងខ្លួន (តែកុំឲ្យជ្រុលពេក) ក៏ជួយបានច្រើនដែរ។ ត្រូវបង្ហាញភាពទាក់ទាញរបស់យើងឲ្យគេឃើញ។
៤. រាប់អានមិត្តភ័ក្ដិថ្មីៗ៖ ពួកគេនឹងណែនាំយើងទៅកាន់អ្នកថ្មីៗបន្ថែមទៀតមិនខាន។ ទោះយ៉ាងណា ត្រូវប្រាកដថាមិត្តថ្មីយើងជាមនុស្សល្អ ទើបគេណែនាំយើងទៅកាន់បុរសល្អៗដែរ។
៥. ចេះទំនាក់ទំនង៖ បានស្គាល់គេហើយក៏អត់ប្រយោជន៍ដែរបើយើងមិនចេះទំនាក់ទំនង។ ត្រូវមានភាពឆ្លាតវៃ ចេះយល់ពីគ្នាទើបស្នេហាអាចរលូនទៅបាន។
សង្ឃឹមថាគន្លឹះទាំងនេះនឹងជួយបានច្រើនសម្រាប់និស្សិតស្រីៗដែលចង់មានស្នេហា។ យ៉ាងណាដែរ មានអ្វីចង់បន្ថែមទេ?
No comments:
Post a Comment